کمشنر میرپور ڈویزن چوہدری مختار حسین کا کہنا ہے کہ منگلا ڈیم سے ملحقہ کاکڑہ ٹاون کی زمین گزشتہ دس ماہ سے کمزور ہو رہی تھی جس کی وجہ سے کم و بیش 27 پختہ مکانات میں ڈرائیں پڑ گئی تھی جبکہ گزشتہ روز کروڑوں مالیت کے 12 پختہ مکانات اور سڑک زمین بوس ہو گئ۔جس سے متعلق کمشنر میرپور ڈویزن نے جنرل مینیجر منگلا ڈیم آرگنائیزیشن واپڈا منگلا کو مکتوب تحریر کر دیا جبکہ عوامی شکایات پر اس سال کے وسط میں بھی کمشنر میرپور ڈویزن نے جنرل مینیجر منگلا ڈیم آرگنائیزیشن واپڈا منگلا کو مکتوب لکھا تھا جس میں کاکڑہ پوٹھہ بینسی کی اراضی نمبر خسرہ 349 میں واقع آبادی کے متاثر ہونے والے 27 مکان کا مالکان کو متبادل لاگت اور متبادل اراضی کی فراہمی کی تحریر کی گئ۔ یاد رہے کہ منگلا ڈیم میں پانی کی سطح 1240 ہونے کے باعث کاکڑہ پوٹھہ بنسی کے زمین کے اندرونی سطح میں ہونے والی تبدیلیوں کے باعث گزشتہ روز کروڑوں روپے کی مالیت کے 12 مکانات اور سڑک زمین بوس ہو گئ۔متاثرہ علاقوں میں نقصان کی فوری بحالی اور تعمیر کا حکم بھی دیا۔
